Janë zbardhur detaje të reja nga ngjarja që ndodhi pak minuta më parë në Vlorë, ku mbeti e plagosur e shetësja me iniciale Kostandina Zanaj, 20 vjeçe lindur në Berat, studente në Vlorë, e cila është shoqëruar për në spital për ndihmë mjeksore dhe tani ndodht jashtë rrezikut për jetën.
Ngjarja ka ndodhur pranë poliklinikës së qytetit. Sipas burimeve, fillimisht 30-vjeçari Fadil Nikaj, banues në Shkodër, ka qenë i ulur i vetëm në kafe, ndërkohë që menjëherë pas mbërritjes së vajzës ka nisur dhe konflikti mes tyre. I revoltuar ai e ka tërhequr atë për disa metra zvarrë dhe më pas e ka qëlluar me armë.
Burime bëjnë me dije se policia ka arrestuar Fadil Nikajn, i cili ka qëlluar më armë zjarri ndaj saj në mes të lokalit. Të njëjtat burime tregojnë se, i riu ka hedhur dhe një granatë në lokalin ku ndodhi plagosja, por fatmirësisht nuk ka plasur.
E reja është dërguar me urgjencë drejt spitalit të Vlorës, ndërkohë që gjendja e saj paraqitet e qëndrueshme. Policia ka rrethuar zonën dhe hetimet për ngjarjen vijojnë, ndërsa u sekuestruan një armë zjarri pistolet dhe 2 granata dore.
