Ish-kryeministri i Kosovës, Isa Mustafa, e konsideron serioze dhe të rrezikshme situatën në veri të vendit. Në këto kushte, ai iu bënë thirrje krerëve të shtetit të jenë prezentë në vend, ndërsa kërkon nga Presidentja Vjosa Osmani të thërrasë Këshillin e Sigurisë Kombëtare.
Me një reagim në faqen zyrtare në Facebook, Mustafa thotë se institucionet e Kosovë duhet të veprojnë në koordinimi të plotë me partnerët ndërkombëtarë.
“Situata në veri të Kosovës është tepër serioze dhe e rrezikshme. Në një situatë të tillë , Presidentja, Kryeministri dhe Kryeparlamentari duhet të jenë në Kosovë. Në momente të tilla do duhej të thirret Këshilli i Sigurisë nga Presidentja e vendit dhe të ndërmerren masat e nevojshme duke u koordinuar me partnerët tanë, SHBA, BE, KFOR-in dhe institucionet relevante në Kosovë”, shkruan Mustafa.
Ai shprehet se duhet të gjendet një zgjidhje për të qetësuar tensionet e krijuara.
