Për shkak të tensioneve në veri të Kosovës, Presidentja Vjosa Osmani ka ndërprerë vizitën e saj në Nju Jork dhe është nisur për në Prishtinë.
Një gjë të tillë e ka bërë të ditur Zyra e Presidencës me anë të një komunikate për mediat. Presidentja ka udhëtuar për javën e nivelit të lartë të Asamblesë së Përgjithshme me vetëm 4 anëtarë të kabinetit të saj.
Presidentja mori pjesë në një bisedë në Universitetin “Columbia” në Nju Jork, ndërsa zhvilloi takimet edhe me homologët e saj nga Bosnja dhe Mali i Zi.
