Pas triumfit të madh të Florian Markut në Londër, ku u shpall kampion bote në IBF duke mposhtur me pikë boksierin ukrainas Maxim Prodan, figura të njohura përfshirë dhe ato politike kanë reaguar në rrjetet sociale duke uruar 28-vjeçarit.
“Bravo shqipe”, shkruan Basha ne Instagram, sipas të cilit triumfi i sotshëm i Markut ishte i jashtëzakonshëm pasi u ngjit në maja botërore.
“Triumf i jashtëzakonshëm i Florian Markut, që sot u ngjit në maja botërore!
Bravo shqipe”, shkruan Lulzim Basha.
Edhe Presidenti Ilir Meta uroi për fitoren e Markut, ndërsa u shpreh se fitorja e Markut është një sukses i jashtëzakonshëm për boksin tonë profesionist.
Florian Marku ia ka dalë të fitojë titullin kampion bote për federatën IBF. “Mbreti” shqiptar ka triumfuar me pikë, ndaj ukrainasit Maksim Prodan, pas plot 10 raundesh të zhvilluara.
