Policia italiane ka arretsuar një 21-vjeçar shqiptar për shpërndarje lëndësh narkotike pranë Parco della Bissuola në Mestre.
Sipas mediave fqinje, arrestimi i të riut u bë pas ndjekjes prej disa ditësh të veprimeve të tij nga policia të cilët ishin në gjendje të vëzhgonin veprimtari intensive të shpërndarjes së drogës midis Casona, nëpërmjet Vallenari dhe parkingut të parkut Bissuola.
21-vjeçari kontaktohej nga klientët përmes rrjeteve sociale si Telegram dhe Whatsapp. Hetimet, bënë të mundur identifikimin se ku ishte banesa e shqiptarit që u arrestua në fund të operacionit.
Nga kontrolli i banesës së tij, në kopsht u gjetën materiale të përdorura për paketimin e substancave narkotike dhe rreth 24 gram kokainë, trembëdhjetë doza tashmë të paketuara dhe gati për shitje.
