Elton Maxhaku është 25-vjeçari i arrestuar ditën e sotme në Durrës në kuadër të operacionit “Selekti”. Arrestimi i të riut u bë pasi shërbimet e policisë ndaluan në lagjen nr. 2, Durrës, mjetin me të cilën Maxhaku e kishte pronotuar për të lëvizur.
Gjatë kontrollit të ushtruar në bagazhin e mjetit tip taksi, shërbimet e Policisë gjetën rreth 6 kg lëndë narkotike cannabis sativa e presuar dhe 1 armë zjarri (pushkë), të cilat u sekuestruan në cilësinë e provës materiale.
Policia po vijon punën për identifikimin e personave të tjerë të përfshirë në këtë veprimtari kriminale. Materialet i kaluan Prokurorisë së Rrethit Gjyqësor Durrës, për veprime të mëtejshme.
