Policia e Lezhës vuri në pranga tre persona si dhe procedoi penalisht tre të tjerë për posedim të lëndëve narkotike si kokainë, ekstazi dhe kanabis.
Në pranga janë vënë I.D., 40 vjeç, banues në Norvegji, D.S.,40 vjeç, banues në Itali dhe F.Xh., 23 vjeç, banues në Tiranë, ndërsa po hetohen A.Q.,27 vjeç, banues në Kosovë, M.A., 34 vjeç, banues në Arabi Saudite, J.I., 36 vjeç, banues në Kosovë.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Prodhimi dhe shitja e narkotikëve”.
