Në 24 orët e fundit Kosova ka regjistruar pesë viktima si pasojë e infektimit me Covid-19. Ministria e Shëndetësisë në Kosovë njofton se nga 4.322 testime, janë raportuar 77 raste të infektuara me këtë virus.
Sipas njoftimit, sot janë shëruar 696 qytetarë, ndërsa numri i përgjithshëm i të shëruarve është 152 mijë e 758. Sa i përket vaksinimit, janë injektuar 1.274.156 doza të vaksinës, ndërsa deri më sot 503.498 qytetarë janë vaksinuar me dozën e dytë.
Në shtetin fqinj ditët e fundit ka pasur një ulje të shifrave të infektimeve dhe viktimave, ku ditën e djeshme u regjistruan tetë viktima dhe 88 raste pozitive.
