Dy persona kanë rënë në prangat e policisë së Durrësit, pasi akuzohen për plagosjen me dashje të një 30 vjeçari.
Sipas policisë ngjarja ka ndodhur një ditë më parë kur personat e identifikuar me iniciale A. H., 41 vjeç dhe B. H., 40 vjeç, në bashkëpunim me njëri-tjetrin kanë plagosur me sende të forta të riun e identifikuar me iniciale J. P., 30 vjeç, i cili ndodhet i shtruar në Spitalin e Traumës, nën kujdesin e mjekëve.
Pritet që të rinjtë të përballen me akuzën për këto vepra penale. Gjithashtu pritet që të zbardhen detaje të reja lidhur me ngjarjen, pas marrjes në pyetje të të arrestuarve nga uniformat blu.
