Drejtori i DAR, në Korçë, Kristaq Grabocka, në një deklaratë për shtyp ka thënë për mediet se në Korçe janë 6 shkolla të hapura dhe mësimi do të zhvillohet me dy turne.
“Në Korçë do të jenë 6 shkolla që do zhvillojnë mësimin me 2 turne ku numri i nxënësve tejkalon protokollin. Pavarësisht kësaj mësuesit do të vazhdojnë të paguhen për orët shtesë siç janë paguar edhe vitin e kaluar . Asnjë mësues nuk do të dalë nga sistemi.”
Ai gjithashtu u shpreh se 80 për qind e mësuesve janë të vaksinuar, kurse ata të cilët për shkaqe shëndetësore nuk mund ta kryejnë dot do paraqesin tamponin.
“80 % e mësuesve të vaksinuar, sipas udhëzimeve të ministrisë ata mësues që për shkaqe shëndetësore nuk mund të kryejnë vaksinën do të paraqesin sot tamponin negativ. Ne do të respektojmë të gjitha protokollet.”
Në fund ai thotë se shkak për regjistrimin e pakët të nxënësve në klasat e para është rënia e numrit të lindjeve dhe lëvizjeve demografike.
