Trajneri i Milan, Stefano Pioli ka marrë një lajm aspak të mirë përpara ndeshjes me Atletico Madrid për Champions League.
Sipas ‘La Gazzetta dello Sport’ Zlatan Ibrahimovic nuk do të jetë në gjendje të luajë as në këtë takim, teksa pritet të rikthehet në fushë pas pushimit të ndeshjeve ndërkombëtare.
Thuajse 40-vjeçari ka luajtur vetëm 30 minuta kundër Lazios në këtë sezon duke realizuar një gol, por menjëherë iu rikthye dëmtimi.
Suedezi është duke u stërvitur ende i veçuar nga grupi dhe për këtë arsye pritet të mos jetë pjesë e ndeshjes që do luhet të martën (nesër) në orën 21:00 në ‘San Siro’.
Ndërsa më shumë gjasa sulmuesi pritet të rikthehet për ndeshjen e ardhshme të Serisë A, pas kualifikueseve të kombëtareve, që kuqezinjtë do ta luajnë me Atalantën./K.T/Gijotina.com
