Gjykata e Beratit ka dënuar me 1 vit e gjysmë burg ish-kreun e kadastrës Ervin Nelaj. Ky vendim vjen menjëherë pas kërkesës nga SPAK, e cila referuar hetimeve kërkoi 3 vite burg, por Gjykata ka lënë në vendim 1 vit e gjysmë.
Zyrtari u arrestua në shkurt të vitit të kaluar pasi akuzohet për korrupsion. Gjithashtu Nelaj akuzohet se ka bashkëpunuar me punonjës të tjerë në këtë institucion dhe kanë marrë në disa raste përfitime monetare të parregullta, me qëllim për të kryer veprime që lidhen me detyrën e tyre, për legalizimin e objekteve informale dhe regjistrimin e titujve të pronësisë.
Nelaj akuzohet se gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit.
