Keqmenaxhimi i fondeve dhe taksave shkaktuan 22. 6 mln euro dëm në 6 muaj, 74 mln lekë vetëm nga tenderët
Keqmanxhimi i fondeve publike dhe shpërdorimi i taksave të mbledhura nga entet publike i kanë shkaktuar buxhetit të shtetit 22. 6 milionë euro dëme. Në këtë përfundim ka dalë Kontrolli i lartë i shtetit në aludimet e bëra për 6 mujorin e parë të këtij viti. Sipas të dhënave të publikuara, vetëm nga shkelja e disiplinës financiare në vjeljen e taksave është shkaktuar një dëm prej më shumë se 8 milionë lekësh.
“Shkelje të disiplinës financiare me ndikim negativ në perfomancën e subjekteve të audituara, në shumën totale prej 2,614,539 mijë lekë, afërsisht nga e cila: 1,033,372 mijë lekë në fushën e të ardhurave, afërsisht 8.4 milionë euro”, thekson KLSH.
Ndërkohë, nga përdorimi pa kriter i fondeve publike nga institucionet që gllabërojnë çdo vite vlera marramendëse, dëmi ekonomik kap vlerat e më shumë se 12 milionë eurove. Ndërsa dëmi më i madh është shkaktuar nga prokurimet publike mbi 74 milionë lekë.
“1,581,167 mijë lekë afërsisht 12.8 milionë euro, në fushën e shpenzimeve jo me eficiencë, efektivitet dhe ekonomicitet të fondeve si dhe shkelje të disiplinës buxhetore lidhur me likujdimin e shpenzimeve, keqmenaxhimin e fondeve të programuara apo mungesë kontrolli në realizimin e procedurave të prokurimit jo në përputhje me kuadrin ligjor. Në total janë konstatuar shkelje në shumën 2,770,536 mijë lekë ose afërsisht 22.6 milionë euro ”, thuhet në raport.
Shkeljet sipas fushave:
Nga shkeljet në zbatimin e legjislacionit tatimor– 14,000, 000 lekë
Në shpenzimet për paga, sigurime dhe shpërblime –13,113,000 lekë
Në shpenzimet operativ– 4,832, 000 lekë
Në prokurime publike— 74,356,000 lekë
E,H/ gijotina.com/
