Qeveria talibane njofton se, Ish-kreu i grupit terrorist ISIS-K, Abu Omar Khorasani është ekzekutuar dje në një burg në Afgansitan, njoftonte qeveria talibane.
Ai ka qenë drejtues i degës afgane të grupit terrorist ISIS dhe përgjegjës për shpërthimin kamikaz në aeroportin Kabul ku u vranë rreth 180 njerëz muajin e kaluar.
Lajmi për ekzekutimin e tij në fundjavë u konfirmua dhe nga rrjeti libanez al-Mayadeen.
Khorasani – i njohur ndryshe si Zia ul-Haq – kishte marrë dënim me vdekje para ardhjes së talibaneve në pushtet gjatë verës.
Ai ishte kapur nga forcat amerikane dhe afgane në një shtëpi jashtë Kabul në maj 2020, dhe ishte dënuar me vdekje.
Wall Street Journal thotë se ka intervistuar Khorasani në burg dy ditë para ekzekutimit.
Megjithëse organizata e tij ishte në luftë me Talibanët, ai kishte lavdëruar avancimin e tyre pas largimit të SHBA, dhe shpresonte se ata do ta lironin.
Raportimi për ekzekutimin e tij është një sinjal se talibanët nuk do të bashkëpunojnë me terroristët e ISIS, të cilët po tentojnë të krijojnë bastionet e tyre të reja në Afganistan.
