Kreta nuk gjen qetësi nga lëkundjet sizmike të tokës. Një tjetër tërmet i ri i fortë me magnitudë 5.4 të shkallës Rihter është shënuar mëngjesin e kësaj të marte. Sipas mediave greke, tërmeti ndodhi 22 km në jug-juglindje të Heraklion.
Mësohet se thellësia fokale është 13.9 km, sipas Institutit Gjeodinamik. Pas tërmetit të ri prej 5.4 të shkallës Rihter, pak minuta para orës tetë të mëngjesit të së martës, situata në Arkalochori u përkeqësua, sipas nënkryetarit të Shërbimeve Administrative dhe Financiare të Bashkisë Minoa Pediados, Olga Dramountani.
Disa ndërtesa të dëmtuara tani janë shembur. Në zonën më të gjerë të Bashkisë Minoa Pediados, dridhja e re sizmike shkaktoi një shqetësim tjetër, ndërsa, në disa zona të Kretës lindore ku u ndje tërmeti, qytetarët dolën në rrugë.
