Pas 15 vitesh, Luana Vjollca zgjedh të largohet nga “Top Channel”!
Moderatorja Luana Vjollca nuk do të rikthehet në ekran këtë të shtunë me emisionin e saj “Shiko Kush LUAN”.
Luana, me një letër personale drejtuar fansave të saj, ka zbuluar se është larguar nga “Top Channel” pas 15 vitesh punë. Ajo u shpreh shumë mirënjohëse për mbështetjen e publikut dhe mundësitë që ky televizion i ofroi.
Ajo gjithashtu shprehet se tani prioritet i saj është një tjetër projekt i ri që e cilëson si të shpirtit të saj.
“Nga ky sezon nuk gjendem nën logon e Top Channel (i cili, do të mbetet përherë shtëpia ime, ku u rrita dhe u zhvillova për 15 vite). Prandaj, si rrjedhojë, këtë sezon të shtunën mbrëma nuk do ta ndajmë bashkë duke luajtur, qeshur e argëtuar me “Shiko Kush LUAN”. Tani, prioriteti im është një projekt personal, i cili më shumë se gjithçka tjetër është zëri im i brendshëm, i cili dua fort të shërbejë edhe si zëri i secilit prej jush, për të tejkaluar çdo sfidë të jetës. #Thuaje Mirëpo, assesi nuk do t’iu lë në baltë, ashtu siç e di që Ju s’do të më linit kurrë mua. Paralelisht jam duke punuar për të qenë sa më shpejt afër jush me programe argëtuese, çdo të shtunave mbrëma, sepse tradita jonë mund të vonojë por nuk do të mungojë, PREMTOJ”, ka shkruar Luana.
Rikujtojmë se thashethemet për largimin e saj, kishin dalë që më përpara, por sot ato janë zyrtarizuar nga vetë Luana.
