Një aksident automobilistik është regjistruar ditën e sotme, rreth orës 14:00, në aksin Fier-Libofshë, në vendin e njohur si Petovë.
Burime për Gijotina.com bëjnë me dije se në këtë aksident është përfshirë një automjet tip furgon “Benz” që transportonte mësues dhe një makinë tjetër tip “Ford”, ndërsa si pasojë kanë mbetur të lënduar tre shtetas të cilët janë shoqëruar për në spital dhe ndodhen jashtë rrezikut për jetën.
Ndër të tjera mësohet se aksidenti ka ndodhur mesditën e sotme, kur mësuesit po ktheheshin për në shtëpi, fatmirësisht të lënduarit janë në spital jashtë rrezikut për jetën.
Ndërkohë policia po punon për zbardhjen e plotë të ngjarjes.
