Ambasadorja e SHBA, Yuri Kim ka reaguar lidhur me ngjarjen e rëndë të ditës së sotme, ku një oficer policie ka mbetur i vrarë me plumb në zemër, nga një 21-vjeçar që dyshohet se kultivonte bimë narkotike.
Ambasadorja shkruan në Twiter se i shpreh ngushëllimet familjes për efektivin e vrarë në krye të detyrës, ndërsa shpreson që autorët të dalin para drejtësisë.
“Ngushëllimet më të thella familjes dhe kolegëve të oficerit të Policisë së Shtetit Shqiptar, i cili u vra në krye të detyrës. Policia dhe reaguesit e tjerë të parë përballen me rrezik në emër të të gjithë qytetarëve, dhe ne jemi mirënjohës për heroizmin e tyre. Shpresojmë që autorët të dalin para drejtësisë”, shkruan Kim.
Ngjarja e rëndë ndodhi paraditen e sotme, ku efektivi Saimir Hoxha është qëlluar për vdekje nga Aldi Rama, me precedentë të mëparshëm penalë, i cili është shpallur në kërkim dhe policia ka vënë në dispozicion 20 mijë euro për çdo informacion që çon në kapjen e tij.
