Kanë kaluar 9 orë nga ngjarja e rëndë që ndodhi ditën e sotme në Lezhë, ku mbeti i vrarë efektivi i policisë, Saimir Hoxha dhe Ministria e Drejtësisë u kujtua tani të dalë me reagimin e saj.
Ministri Ulsi Manja u mjaftua me një postim në Facebook pak minuta më parë, ku i shpreh ngushëllime familjes së të ndjerit, por nuk flet asnjë fjalë për përgjegjësit e institucionit që ai drejton dhe vetë atij si ministër i Drejtësisë.
“Trishtim dhe hidhërim për vrasjen në detyrë të oficerit të Policisë së Shtetit, Saimir Hoxha, mbrojtës i rendit dhe sigurisë së qytetarëve dhe vendit tonë!
Lutemi bashkarisht për shpirtin e babait të dy fëmijëve, bashkëshortit shembullor, birit të dashur dhe punonjësit të devotshëm të policisë.
Krimi vret, por nuk na dobëson dhe as na mposht në rrugën për të vendosur drejtësinë”, shkruan ai.
Vrasja e policit ka tronditur sot vendin tonë, pasi Saimir Hoxha u qëllua me breshëri plumbash pak minuta pasi i ishte bashkuar operacionit në Lezhë.
E.H/ gijotina.com/
