Mësuesja e pianos njëkohësisht edhe bashkëshortja e kompozitorit Limos Dizdari, Adriana Dizdari ka reaguar në lidhje me ndërprerjen e energjisë elektrike që u është bërë, pavarësisht se ata nuk janë debitor.
Me anë të një postimi në Facebook, ajo shkruan se prej 10 ditësh, Qendrës së Artit DEA në Ksamil i është ndërprerë energjia elektrike, duke i lënë ata në errësirë dhe me mungesë të ujit. Ajo shkruan se është e habitur që kjo padrejtësi që ata po kalojnë, nuk u ka bërë përshtypje artistëve dhe intelektualëve të Sarandës.
“Ajo që më çudit dhe revolton më shumë , është kënaqësia për të na bërë keq, për të heshtur para këtij cinizmi. Ju kryetar i Bashkisë nuk shqetësoheni për këto që po ndodhin, dhe me forcën që ju jep posti që keni, ti thoni “ mjaft” kësaj torture? Po ju zoti Thoma Nika , e dini mirë që ne banojmë këtu. Si mund ta gëlltisni këtë që po na bëjnë? Unë ju kam konsideruar mik të familjes, ju kam pritur dhe përcjellë. Po ju muzikantë, dhe artistë të Sarandës si mund të heshtni para kësaj molepsjeje të shpirtit njerëzor? E di që kurajua nuk ju mungon, por keni familje dhe fëmijë. Pikërisht për dinjtetin tuaj që të mos ju nëpërkëmbin, të thoni fjalën tuaj .Po ju poetë e shkrimtarë, ku jeni ?…. shoku juaj me gjithë bashkëshorten është vënë në torturë”, shkruan ajo.
Ndër të tjera Dizdari ka shkruar se kjo është e patolerueshme dhe Bashkia Sarandë duhet të mbajë përgjegjësitë dhe të bëj sikur duhet punën e saj.
