Shefi i Krimeve në Lezhës Leonard Palushi i cili ka parë me sy vrasjen e nënkomisarit Saimir Hoxha ka treguar si ka ndodhur ngjarja.
“Bëmë postbllok pasi kishim informacion për të kërkuarin Xhulio Vokrrin. Saimir Hoxha dhe 2 policë i dolën para makinës së Aldi Ramës. Rama nuk ndaloi dhe qëlloi, vrau Hoxhën, të tjerët përfunduan në kanal”, tha ai.
Kujtojmë që ngjarja ka ndodhur paraditen e sotme, kur policia ishte në kontroll për kultivim të lëndëve narkotike. Në drejtim të patrullës është qëlluar me armë zjarri dhe për pasojë efektivi Saimir Hoxha mbeti i vrarë.
Gjithashtu, është zbardhur dëshminë e babait të një prej personave që ishte në makinë me Aldi Ramën në momentin kur ky i fundit qëlloi për vdekje nënkomisarin Saimir Hoxha në Lezhë.
Babai i Aleksandër Markut, i cili u arrestua sot, ka thënë se në automjet ishin 4 persona dhe se njëri prej tyre është ende i lirë. Sipas tij, ky person i ka vënë armën në kokë Aldi Ramës dhe djalit të tij që të mos ndalonte makinën, kur i ka dalë përballë postblloku i policisë.
