Policia ka arrestuar mbrëmjen e sotme 2 personat të cilët ndodheshin në makinë me Aldi Ramën, në momentin kur ky i fundit qëlloi për vdekje nënkomisarin Saimir Hoxha. Kristian Sherri dhe Armando Marku,ky i fundit me profesion mësues, u shoqëruan menjherë pas ngjarjes së rëndë, ndërsa mbëmjen e sotme iu komunikua arresti. Të tre të rinjtë rezultojnë përdorues hashashi dhe të përfshirë në trafik droge.
Nga hetimi paraprak rezulton se kolegët e Saimir Hoxhës kanë qëlluar 9 herë ndaj Ramës, i cili arriti të largohej.
Ndërkohë, arma e zjarrit është sekuestruar dhe është gjetur pranë trupit të shtrirë të vetë autorit Aldi Rama, pasi ky i fundit kishte humbur ndjenjat, pasi tentoi të vriste veten me një plumb në kokë.
Pranë armës së zjarrit është edhe celulari që ndihmoi në lokalizimin e të riut që ekzekutoi Hoxhën.
Aktualisht Rama ndodhet në Spitalin e Traumës, në gjendje të rëndë për jetën, për shkak të plumbit që qëlloi veten.
