Eksperti i kriminalistikës Ervin Karamuça e konsideron të domosdoshme ndryshimin në polici në mënyrë që ajo t’i bëjë ballë grupeve kriminale.
Gjatë një interviste televizive ai tha se, në policinë shqiptare duhen krijuar struktura të pavarura si për shembull Byroja Kombëtare Kundër Drogës. Sipas tij, Shërbimi i Kontrollit të Brendshëm duhet të jetë medoemos më vete jashtë varësisë së ministrisë së Brendshme dhe për këtë të krijohet BKH kundër drogë.
“Ka ardhur koha që, për shkak të raporteve ndërkombëtare alarmante që po vijnë në drejtim të Shqipërisë, ne duhet të krijojmë Byronë Kombëtare Kundër Drogës, nuk e bën dot më policia, nuk e bën dot një seksion i drejtorive rajonale luftën kundër drogës në Shqipëri, jo, po vijnë tonelata drogë duhet të koordinohemi ndryshe”, u shpreh ai.
Karamuça theksoi se, rikonstruktimi i policisë duhet bërë me hapa urgjent.
