Mbrëmja e sotme ka rezervuar surpriza në champions league. Humbja e Real Madrid në shtëpi ndaj Sherif Tiraspol rezultoi si një rrufe në qiell të hapur. Madrilenët u mundën në shtëpi me shifrat 2-1 teksa renditen në vendin e dytë në grup në kuotën e 3 pikëve.
Skuadra tjetër madrilene, Atletiko Madrid fitoi me përmbysje ndaj Milanit me rezultatin 2-1. Golin e fitores për spanjollët e realizoi Suarez në fundin e takimit nga pika e bardhë e 11 metërshit.
Skuadra e PSG ka fituar pastër 2-0 ndaj Manchester Sitit. Lionel Messi shënoi golin e parë me fanellën e klubit francez teksa vulosi suksesin e parisienëve.
Fitore tenistike arriti Liverpooli në fushën e Portos me shifrat 5-1. Salah dhe Firminjo realizuan dopieta personale ndërsa Mane vendosi emrin e tij në listën e golashënuesve.
