Prokuroria e Posaçme Kundër Korrupsionit dhe Krimit të Organizuar ka dhënë detaje të reja për operacionin e një dite në Zyrën Arsimore Dibër, ku janë arrestuar dy persona.
Sipas njoftimit, gjithçka ka nisur pasi një person, i identifikuar si Halit Shehu ka dashur të fillojë punë si mësues. Për këtë arsye ai ka kontaktuar me Fitim Farrukun, punonjës i Këshillit të Qarkut Dibër. Ky i fundit i ka premtuar kundrejt shpërblimit që ti sigurojë ndikim te drejtuesit e Zyrës Arsimore, në mënyrë që Shehu të punësohet si mësues.
Gjatë operacionit, menjëherë pas dorëzimit të shumës prej 100.000 lekësh nga Shehu kundrejt Farrukut, kanë ndërhyrë punonjësit e policisë duke bërë arrestimin në flagrancë të tyre si dhe duke bllokuar provat materiale.
Shehu dyshohet se akuzohet për veprën penale të “Ushtrimit të ndikimit të paligjshëm të personave që ushtrojnë funksione publike”, ndërkohë, Farruku dyshohet se akuzohet për “Ushtrimit të ndikimit të paligjshëm të personave që ushtrojnë funksione publike”.
