Ndeshja e Champions League kundër Manchester City-t ishte rikthimi i fatit për Lionel Messi. Argjentinasi arriti të shënonte golin e tij të parë me skuadrën e PSG-së që nga momenti i transferimit në Paris.
Ai kishte qenë në qendër të kritikave në tre ndeshjet e para të (Ligue1 & Champions) edhe pse ishte aktivizuar nuk kishte bërë asgjë për t’u mbajtur mend.
Ndërsa ka folur pas këtij takimi ‘pleshti’ ka theksuar se me zor po e priste këtë moment, ndërsa është ndjerë shumë i lumtur me fitoren 2-0 ndaj City-t.
“Ishte një natë perfekte kundër një kundërshtari të madh. Për ne, ishte shumë e rëndësishme të fitonim këtë ndeshje pas barazimit në Brugge. Jam shumë i lumtur që kam shënuar. Mëzor po e prisja këtë moment. Nuk kam luajtur shumë kohëve të fundit. Po përshtatem pak nga pak. Ajo që është e rëndësishme është të vazhdojmë të fitojmë. Marrëdhënia jonë do të bëhet më e mirë pas çdo ndeshjeje. Ne të gjithë duhet të rritemi së bashku, të rrisim nivelin tonë të lojës”-u shpreh argjentinasi.
Ndërsa me golin që realizoi këtë të martë, Messi numëron sezonin e 17 radhazi që shënon në Champions League duke barazuar rekordin e Benzemas që e vendosi vetëm disa minuta para ‘pleshtit’./K.T/Gijotina.com
