Armando Sadiku ka ftohur raportet me golin por kjo nuk e ka penguar atë të shënojë golin e jetës.
Sulmuesi elbasanas është njeriu më i lumtur në botë dhe ka një arsye të fortë.
Ai është bërë baba, pasi bashkëshortja e tij Elona ka lindur djalin e tyre, Luisin. Sadiku e ka ndarë lajmin e gëzueshëm në rrjetet sociale dhe urimet për të kanë qenë të shumta.
“Mirë se vjen në këtë botë djali ynë i vogël. Mami dhe babi të duan ty! Luis Sadiku”, shkruan Armando në postimin e bërë në Instagram.
