Një statujë bronzi në Itali e një gruaje të veshur me një fustan të tejdukshëm, e inspiruar nga nje poezi e shekullit të 19, ka ndezur debate seksizmi mes politikanëve, të cilët kërkojnë heqjen e saj.
Skulptura në qytetin jugor të Saprit është një tribut nga poema “La Spigolatrice di Sapri”(Pastruesi i Saprit), shkruar nga Luigi Mercantini në 1857. Ajo portretizon një grua me një fustan transparent me një krah mbi gjoksin e saj.
Por ajo ka shkaktuar një protestë në Itali, me shumë aktiviste të të drejtave të grave duke kërkuar që ajo të hiqet.
Kongresistja Laura Boldrini tha se statuja ishte “një ofendim për gratë dhe historinë që duhet të festojë”.
“Shovinizmi mashkullor është një nga të këqijat e Italisë,” shtoi ajo në një postim në Twitter.
Monica Cirinna, një senatore në Partinë Demokratike të qendrës së majtë të Italisë, bëri thirrje për heqjen e statujës dhe e konsideroi atë “një shuplakë në faqen e historisë dhe të grave, të cilat janë ende (dhe trajtohen si) trupa të seksualizuar”.
Ai tha se vepra, e artistit Emanuele Stifano, është “bërë me aftësi dhe interpretim të patëmetë” dhe ai shpresonte se do të bëhej një atraksion i madh turistik.
Stifano “i tronditur dhe i dëshpëruar” shkroi në Facebook për t’iu përgjigjur kritikave.
“Kur bëj një skulpturë unë gjithmonë prirem të mbuloj trupin e njeriut sa më pak të jetë e mundur, pavarësisht nga gjinia,” shkroi Stifano.
Ai shtoi se statuja në breg të detit “përfiton nga një fllad” për të nxjerrë në pah trupin, dhe se “përfaqëson idealin e një gruaje, ngjall krenarinë e saj, zgjimin e vetëdijes, të gjitha në një moment patosi të madh”.
Përkthyer nga Gijotina.com
