Kryeministri Edi Rama ka marrë pjesë në ceremoninë e nderimit të Dëshmorit të Atdheut, Saimir Hoxha, ku u vendos një yll me emrin e tij mes yjeve të Murit të Kujtesës së Policisë së Shtetit.
Gjatë fjalës së tij, Rama tha se kjo ishte një ngjarje e rëndë për të gjithë, pasi vdekja e tij në krye të detyrës prek shoqërinë.
“Të nderuar miq dhe kolegë të tij, familjarë, padyshim që ky është një moment i rëndë për ju dhe në tërësi është një moment aspak i lehtë për të gjithë bashkësinë tonë, pasi humbja e jetës në krye të detyrës të një punonjësi të policisë është një humbje tragjike që shkon përtej humbjes së familjes, miqve dhe të afërmeve dhe prek shpirtin e një shoqëria. Është një kohë e gjatë që kur është vendosur ylli i mëparshëm, dhe në një kuptim është lehtësim që në gjithë morinë e atyre yjeve në këto vite numri i rasteve tragjike është më pak se gishtat e një dore, por statistika nuk ka asnjë rëndësi se qoftë dhe një jetë e vetme vlen sa të gjitha jetët kur ajo humbet”.
Rama u ndal dhe njëherë tek ndihma që do marrin fëmijët e mitur të oficerit të vrarë, ku tha se 170% e pagës së oficerit nuk thotë asgjë në raport me humbjen”
“Unë nuk dua të zgjatem se besoj se ky shi që po bie rrëmbyeshëm i thotë më mirë se të gjitha fjalët për këtë moment që jemi mbledhur këtu. Fëmijët e dëshmorit nuk do jenë vetëm, do përkujdesemi sic jemi përkujdesur që dje për familjen e tij deri kur të dalin në jetë. 170% e pagës së babait për fëmijët nuk thotë asgjë në raport me humbjen, as paratë, por është lehtësim të mendosh se fëmijët do të jenë të shoqëruar përdoret jo vetëm nga nëna por dhe nga shteti. Nuk do i mungojë asgjë. Lavdi përjetë të gjithë dëshmorëve që sot do ti bashkohet dhe ylli i Saimirit”, tha Rama.
Efektivi Saimir Hoxha u vra dy ditë më parë në krye të detyrës nga 21-vjeçari Aldi Rama. Nënkomisari i Lezhës ishte babai i dy djemve 1 dhe 3 vjeç teksa ishte rritur nga dy prindër mësues. A i vra në momentin që ka shkuar për të asgjësuar bimë narkotike në një zonë ku kishin marrë informacion. Gjatë operacionit ato janë ndeshur me një makinë ku ndodheshin tre të rinj, mes tyre edhe Aldi Rama i cili ka qëlluar për vdekje drejt Saimir Hoxhës.
