Pas vrasjes së Dëshmorit të Atdheut Saimri Hoxha, policia ka shtuar kontrollet në qytetin e Lezhës.
Uniformat blu bëjnë me dije se gjatë këtij aksioni kanë arrestuar një 22-vjeçar. Gjatë kontrollit të ushtruar në automjetin e tij “Peugeot”, është gjetur një armë zjarri pistoletë, më krehër me fishekë, të cilat u sekuestruan në cilësinë e provës materiale, së bashku me automjetin.
Po ashtu në fshatin Gocaj, është arrestuar një 52-vjeçare për kultivim të lëndëve narkotike. Në kërkim janë shpallur personat e identifikuar me iniciale F. C., 55 vjeç dhe A. C., 22 vjeç, bashkëshorti dhe djali i 52-vjeçares.
Kontrollet për kultivim të kanabisit dhe armëmbajtjes pa leje në këtë qytet do të vijojnë, ndërsa theksojmë se këto dy elemente u bënë shkak për vrasjen e nënkomisarit Saimir Hoxhës dy ditë më parë në Ishull të Lezhës.
