Detarët, drejtuesit e kamionëve dhe punonjësit e linjave ajrore kanë duruar karantinën, kufizimet e udhëtimit, kërkesa komplekse të vaksinimit dhe testimit të COVID-19 për të bërë të mundur që zinxhirët e furnizimit të funksionojnë gjatë pandemisë.
Por shumë prej tyre po paraqesin një kërcënim për rrjetin e porteve, të kontejnerëve dhe kompanive të transportit që transportojnë mallra në të gjithë botën. Në një letër të hapur të mërkurën drejtuar krerëve të shteteve që marrin pjesë në Asamblenë e Përgjithshme të Kombeve të Bashkuara, Dhoma Ndërkombëtare e Transportit (ICS) dhe grupet e tjera të industrisë paralajmëruan për një “kolaps të sistemit global të transportit” nëse qeveritë nuk marrin masa për lirinë e lëvizjes të punëtorëve të transportit dhe tu japin atyre përparësi për t’u vaksinuar me vaksina të miratuara nga Organizata Botërore e Shëndetësisë.
Letra është nënshkruar gjithashtu nga Shoqata Ndërkombëtare e Transportit Ajror (IATA), Unioni Ndërkombëtar i Transportit Rrugor (IRU) dhe Federata Ndërkombëtare e Punëtorëve të Transportit (ITF). Së bashku ata përfaqësojnë 65 milion punëtorë të transportit në nivel global.
“Të gjithë sektorët e transportit po shohin gjithashtu një mungesë të punëtorëve dhe presin që të largohen edhe më shumë prej tyre, shtoi ajo. Guy Platten, sekretar i përgjithshëm i ICS, tha se mungesat e punëtorëve ka të ngjarë të rriten deri në fund të vitit sepse detarët mund të mos duan të rinovojnë kontratat. Ata gjithashtu do të rrezikojnë të mos kthehen në shtëpi për Krishtlindje duke pasur parasysh mbylljet e porteve dhe ndryshimet e vazhdueshme në kufizimet e udhëtimit.
Zinxhirët e brishtë të furnizimit
Kjo do të bëjë presion mbi zinxhirët e furnizimit dhe mund të përkeqësojë sfidat aktuale me furnizimin me ushqim dhe karburant në Mbretërinë e Bashkuar.
“Zinxhiri global i furnizimit është shumë i brishtë dhe varet shumë nga një detar [nga Filipinet] sa varet nga një shofer kamioni për të dërguar mallra,” shtoi Stephen Cotton, sekretar i përgjithshëm i ITF.
“Ka ardhur koha që krerët e qeverive t’u përgjigjen nevojave të këtyre punëtorëve.”
Në fillim të pandemisë, shumë detarë ranë dakord të rinovojnë kontratat e tyre me disa muaj për të mbajtur furnizimet me ushqim, karburant, ilaçe dhe mallra të tjerë të konsumit. Mbyllja e kufijve e kishte bërë pothuajse të pamundur lëvizjen e punëtorëve nga një pjesë e botës në tjetrën dhe shkëmbimin e ekuipazheve.
Vaksinime të shumta, teste të përsëritura
Ndërsa këta numra janë rritur, ndryshimet e ekuipazhit mbeten një sfidë e madhe. Disa kufizime udhëtimi u rivendosën si rezultat i variantit Delta dhe punonjësit e transportit vazhdojnë të përballen me një sërë kërkesash për vaksina dhe testime vetëm për të bërë punën e tyre.
Kërkesat jokonsistente nënkuptojnë që disa detarë janë vaksinuar shumë herë sepse disa vende kanë miratuar vetëm disa vaksina, sipas Platten. Një prej detarëve ka marrë gjashtë doza vaksine. “Është një makth absolut. Nuk mund ta kuptoj pse nuk kemi një lloj standardi global,” tha ai për CNN Business.
Ndërkohë, shpërndarja e pabarabartë e vaksinave në nivel global do të thotë që vetëm rreth 25% deri 30% e detarëve, shumë prej të cilëve janë nga India dhe Filipinet, janë plotësisht të vaksinuar, sipas Platten.
Testimi kundër koronavirusit është gjithashtu një sfidë. Në shkurt, Gjermania bëri të detyrueshëm testimin për të gjithë drejtuesit e kamionëve, duke bërë që vendet fqinje, përfshirë Italinë, të vendosin kufizime të ngjashme për të shmangur bllokimin e mijëra shoferëve në territorin e tyre. Këto masa prekën mijëra shoferë kamionësh, veçanërisht në Brenner midis Italisë dhe Austrisë, duke i detyruar ata të qëndrojnë në radhë për ditë të tëra në temperatura nën zero pa ushqim ose pajisje mjekësore.
Marchal, oficeri kryesor dhe ekuipazhi i saj duhej të bënin 10 teste Covid në shtatë ditë para se të lejoheshin të hynin në kantierin e anijeve në Singapor gjatë muajit të kaluar. Karantimi mund të nënkuptojë që pilotët dhe detarët të qëndrojnë një muaj të izoluar në një dhomë hoteli para se të jenë në gjendje të shohin familjarët e tyre.
Detarët “drejtojnë industrinë e transportit detar”, megjithatë atyre nuk u është dhënë përparësia e punonjësve të vijës së parë, tha Shaailesh Sukte, kapiteni i Seaspan Amazon, një anije konteniere.
“Nëse dëshironi që bota të vazhdojë të lëvizë, ju duhet të lehtësoni kufizimet e udhëtimit,” tha ai për CNN Business.
