Kontrollet blic në qytetin bregdetar të Durrësit kanë vënë në pranga 6 persona.
Policia njofton se gjatë ditës së sotme është bërë arrestimi në flagrancë i personit të identifikuar me iniciale G. Rr., 47 vjeç, banues në Krujë, i cili ishte shpallur në kërkim për veprën penale “Plagosja e lehtë me dashje”, pasi më datë 15.09.2021, gjatë një konflikti të çastit për motive të dobëta, me personin e identifikuar me iniciale B. K., e ka goditur atë me sende të forta.
Po ashtu policia ka vënë në pranga për veprën penale “Vjedhja me dhunë”, personin e identifikuar me iniciale M. H., 19 vjeç, banues në Durrës, pasi i ka vjedhur me dhunë telefonin celular, qytetares me inciale K. Zh.
Në njoftimin për shtyp theksohet se pasditen e kësaj të enjteje janë arrestuar edhe personat e identifikuar me iniciale A. R., 44 vjeç, banues në Durrës, pasi u konstatua duke drejtuar motomjetin, në gjendje të dehur; Sh. T., 54 vjeç, banues në Shijak, pasi u konstatua duke drejtuar motomjetin, në gjendje të dehur; E. C., 18 vjeç, banues në Fushë-Krujë, pasi u konstatua duke drejtuar mjetin pa leje drejtimi; H. Q., 30 vjeç, banues në Durrës, pasi në Shijak, duke drejtuar mjetin tip “Audi” është përplasur me mjetin tip “Benz”, me drejtues E. B.
Për pasojë janë lënduar të 2 drejtuesit e mjeteve dhe 1 pasagjere, të cilët ndodhen nën kujdesin e mjekëve, jashtë rrezikut për jetën.
