Skuadra e Romës do të luajë pas pak minutash ndaj skuadrës Ukraine të Zorias. Trajneri Murinjo ka vendosur që Kumbulla të startojë nga minuta e parë. Në një intervistë të shkurtët për mediat italiane, futbollisti shqiptar theksoi:
“Nuk e prisja këtë gjë. Gjithmonë stërvitem dhe jam i gatshëm për trajnerin. Sot kam një mundësi si titullar dhe do të provoj të jap më të mirë. E kemi përgatitur këtë ndeshje në mënyrën më të mirë të mundshme, do të provojmë të luajmë si në ndeshjet e tjera, të provojmë ku kemi bërë gabime dhe të fitojmë. Ne duam të fitojmë këtë Kupë, por le të mendojmë për garën në fillim. Qëllimi është të fitojmë gjithmonë, pra të shkojmë deri në fund”, përfundoi Kumbulla.
