Demokrati Ibsen Elezi ka cilësuar si nevojë urgjente rikonstruktimin e Partisë Demokaratike, duke vlerësuar si dy epoka të ndryshme por efektivë kohën kur PD drejtohej nga Berisha dhe sot që drejtohet nga Basha.
Gjatë një interviste televizive ai u shpreh se brenda PD është duke u diskutuar për formatimin e partisë dhe është mirë që ky plan të vihet në zbatim, sepse brenda PD ndodhen persona që nuk kanë lidhje me të djathtën dhe as demokracinë.
“Transformimi i partisë pas 2013 , nga Berisha ka qenë domosdoshmëri sepse nuk do ishim dot bindës për opinionin publik dhe nuk do fitonim dot zgjedhjet. Fryma konservatore e PD ka qene po ashtu domosdoshmëri, kam qenë ndër të vetmit që nuk e kam menduar kurrë që do kishte një transformim të tillë. Koha e Berishës me atë të Bashës janë 2 panorama krejtësisht të ndryshme. Diskutohet për formatimin e të djathtës, unë vij nga fusha e programimit dhe është e rëndësishme për mua të konkretizohet ajo që thuhet. PD ka nevojë për disa rregulla funksionimi që janë bazikë për demokracinë.
Ai përmendi edhe disa rregulla bazë të demokracisë që sipas tij nuk janë zbatuar dhe si pasojë kanë ardhur konflikte brenda vetë partisë, si për shembull mohimi i të drejtës për të kandiduar si deputet apo zgjedhjet transparente.
Elezi i quajti këto rregulla si elementë të domosdoshëm për formatimin e Partisë Demokratike. “Mohimi i të drejtës për të konkurruar dhe për të kandiduar si deputet, duhen edhe zgjedhje transparente brenda partisë, demokracia buron nga vota. Nëse nuk zbatohen këto atëherë sistemi nuk është demokratik, modelet që ju janë ofruar shqiptarëve, janë anti-demokratikë. Kur garantohen këto rregulla bazikë, nuk ka konflikte, një gjë e tillë nuk po ndodh në PD. Nuk ka një mjedis ku garantohen këto pikëpamje ku të ndodhë reformatimi”, u shpreh Elezi. Sipas tij, ndryshimet në parti do ta forcojnë atë.
E.H/ gijotina.com/
