Një ekip në Fondacionin Christie NHS Trust, në Mançester, po fillon një provë me pacientë me kancer të gjirit. Ata dyshojnë se janë vetitë anti-inflamatore të aspirinës dhe jo efekti i saj analgjezik që jep nxitjen. Deri më tani studimet e kafshëve tashmë kanë treguar rezultate inkurajuese.
Studiuesit e fondacionit tregojnë se, ekzistojnë disa prova që aspirina mund të ndihmojë në parandalimin e disa llojeve të tjera të kancerit dhe të zvogëlojë rrezikun e përhapjes së saj. Por është shumë herët për të rekomanduar që njerëzit të fillojnë ta marrin atë. Nevojiten më shumë kërkime.
Rreth 8,000 gra diagnostikohen me kancer të gjirit trefish negativ në Mbretërinë e Bashkuar çdo vit – një lloj kanceri i gjirit më pak i zakonshëm, por shpesh më agresiv që prek në mënyrë disproporcionale gratë e reja dhe ato a me ngjyrë.
Beth Bramall, 44 vjeç, nga Hampshire u diagnostikua me kancer të gjirit trefish negativ në vitin 2019.
Ajo tha: Nuk ka kancer të lehtë, por negativi trefishtë është veçanërisht rraskapitës, me pak mundësi trajtimi dhe një plan trajtimi të gjatë dhe dobësues. Kam efekte anësore të humbjes së flokëve, nauze, dhimbje të kyçeve dhe muskujve, diarre dhe kapsllëk, djegie të pëllëmbëve dhe këmbëve, migrenë, djersitje gjatë natës dhe lodhje si kurrë më parë. Unë jam e bekuar që kam pasur një përgjigje të plotë patologjike ndaj trajtimit. Por kanë qenë 18 muajt më të vështirë për mua dhe familjen time. Tani kam mbi dy vjet të tjera të trajtimeve dhe skanimeve përpara.
Ndërsa, drejtuesja e provës, Dr Anne Armstrong tha se jo të gjithë kanceret e gjirit i përgjigjen mirë imunoterapisë. Përdorimit i një ilaçi si aspirina është emocionues sepse është aq i disponueshëm dhe i lirë për t’u prodhuar. Gjithsesi ajo u shpreh që shpresojmë se prova tyre do të tregojë se, kur kombinohet me imunoterapi, aspirina mund të rrisë efektet e saj dhe mund të sigurojë përfundimisht një mënyrë të re të sigurt për të trajtuar kancerin e gjirit.
