Tirana-Partizani është një ndër përballjet e shumëpritura të kampionatit. Derbi i kryeqytetit do të vihet në skenë në raundin e 6 të Abissnet Superiore në datën 23 të muajit tetor, në orën 17:00, në stadiumin “Air Albania”.
Por edhe pse supersfida krijon shumë zhurmë, fatkeqësisht do të jetë e zbrazët. Kjo për shkak se shitja e biletave po ecën me ritme shumë të ngadalta, pasi deri më tani janë shitur vetëm 300 bileta.
Skuadrat nuk e kanë filluar kampionatin në mënyrën më të mirë dhe ndodhen në pozita jo shumë të mira. Pas tre ndeshjeve të para që kur ka filluar kampionati, Tirana numëron 2 barazime, 1 fitore dhe ndodhet në vendin e 4. Ndërsa Partizani ka marrë 2 barazime, 1 humbje dhe ndodhet në vendin e 8 në renditje.
