Sekretari i Përgjithshëm i LSI, Endrit Braimllari, me anë të një postimi në Facebook, uron moshën e tretë në ditën e të moshuarve dhe thotë se fatkeqësisht politika e qeverisë i ka lënë ata në mëshirë të fatit.
Ai gjithashtu, u shpreh se duhet të tregojmë më shumë respekt për këtë moshë duke mos i lënë me pensione të ulëta ose pa kujdes shëndetësor.
“Sot është dita e te moshuarve. Me shume respekt dhe mirënjohje për gjithçka që keni bërë për ne. Sot duhet të jetë dhe një ditë reflektimi për përkujdesje më të madhe. Fatkeqësisht politikat e qeverise i lanë në mëshire të fatit. Me pensione te ulëta, pa kujdes shëndetësorë dhe me mungesë totale vëmendje. Duhet te kthehemi me respekt për moshën e trete. Me plane konkrete dhe me politika favorizuese, qe ju kthen në këtë moshë kontributin e dhënë ndër vite për vendin dhe shoqërinë.”- tha Endrit Braimllari.
Rikujtojmë se kryeministri Edi Rama, në fjalën e tij në foltoren e Kuvendit me 16 shtator, ka ndërmarrë atë që e ka cilësuar si angazhim dhe jo premtim për rritjen e pensioneve. Rama tha se nuk e kishte bërë këtë premtim gjatë fushatës, pasi sipas tij ende nuk janë krijuar kushtet për një rritje.
