Operacioni “Morina”, ka bërë të mundur arrestimin e 6 shtetasve të cilët kryenin transporte të paligjshme të emigrantëve, ndërsa një tjetër po procedohet në gjendje të lirë.
Në pranga kanë përfunduar: B. M., 32 vjeç (i dënuar më parë), J. V., 35 vjeç dhe A. S., 29 vjeç, të tre banues në Tiranë; M. O., 28 vjeç, banues në Kukës; A. S., 26 vjeç, banues në Shkodër dhe F. F., 52 vjeç, banues në Prishtinë.
Po ashtu në gjendje të lirë u procedua 54-vjeçari me iniciale F. M., banues në Tiranë.
Në cilësinë e provës materiale u sekuestruan 7 automjetet.
Materialet hetimore do t’i kalojnë Prokurorisë pranë Gjykatës së Shkallës së Parë Kukës, për veprime të mëtejshme.
