Gjatë 24 orëve të fundit 7 pacientë të infektuar me covid-19 nuk e kanë fituar dot betejën me covid-19. Ministria e Shëndetësisë raporton se me gjithë përpjekjet e mjekëve, në 24 orët e fundit nuk e kanë fituar betejën me covid-19 , një qytetare 47 vjeç nga Burreli, dy qytetarë nga Fieri 58 dhe 60 vjeç, një qytetar 61 vjeç nga Gjirokastra, një qytetar 63 vjeç nga Vlora, dy qytetarë nga Tirana 71 dhe 79 vjeç.
Ndërkohë nga 4 139 testime, 647 persona kanë rezultuar si të infektuar me koronavirus. Nga ana tjetër, janë shëruar 964 qytetarë gjatë 24 orëve të fundit, duke e çuar numrin e të shëruarve në 158,574 që nga fillimi i epidemisë.
Aktualisht në Spitalet Covid po marrin trajtim 161 pacientë, nga të cilët 19 janë në gjendje më të rënduar.
