Një ngjarje e shëmtuar ka ndodhur në futbollin italian ku një trajner ka goditur me grusht arbitrin pasi ky i fundit e ndëshkoi me kartonin e kuq.
Në sfidën Olexhio Kastejo-Karpixhanjo, trajneri i miqve Xhovani Alosi hyri në fushë në pjesën e dytë dhe goditi me grusht gjyqtarin. Skuadra e Karpixhanjos humbi ndeshjen 3-0 në tavolinë dhe pse deri në atë moment po fitonte me rezultatin 0-2.
Federate italiane e futbollit e dënoi trajnerin me pesë vite jashtë çdo lloj aktiviteti sportive. Vetë Alosi reagoi duke u shprehur se karriera e tij futbollistike kishte përfunduar dhe i vinte turp për veprimin e bërë.
‘’Unë e kam mbyllur kapitullin me futbollin, çfarëdo të jetë skualifikimi im. Ishte një moment dobësie, kërkoj falje për veprimin tim’’, mbylli fjalën e tij tekniku 47-vjeçar.
