Policia ka vënë sot në pranga autorin e një sherri në Elbasan. Bëhet fjalë për të riun e identifikuar me iniciale G. T., 35 vjeç, i cili një ditë më parë pas një sherri banal goditi me sopat, personin e identifikuar me inciale T.B., 27 vjeç, i cili ndodhet nën kujdesin e mjekëve.
Autori i kësaj ngjarjeje banues në fshatin Kishtë, Gramsh, pritet të përballet me akuzën për veprën penale “Plagosja e rëndë me dashje”.
Po ashtu policia e Elbasanit ka vënë në pranga edhe një adoleshent të identifikuar si M.C., 18 vjeç, banues në Elbasan, pasi gjatë kontrollit fizik të ushtruar nga shërbimet e Policisë iu gjetën dhe u sekuestruan në cilësinë e provës materiale një sasi dozash me lëndë narkotike të llojit kokainë.
I riu pritet të përballet me akuzën për këtë vepër penale.
