Presidenti i Serbisë Aleksandër Vuçiç ka rikthyer në vëmendje skena e horrorit gjatë periudhës kur në pushtet ishte ish-shefi i tij, Sllobodan Millosheviç, i cili njihej ndryshe si kasapi i Ballkanit. Ai e “zhvesh” atë nga faji për trazirat e krijuara në atë kohë në Ballkan.
I vetmi faj i Millosheviç sipas Vuçiç ishte vetëm se nuk pati mundësi që të llogarisë mirë situatën në atë kohë, pasi sipas tij tani ata po paguajnë çmimin e veprimeve të Millosheviç. Më tej Vuçiç ka shtuar se Millosheviç nuk e ka pasur të lehtë dhe se nuk është fajtor për vrasjen e vendit, duke shtuar se ai luftoi për Kosovën.
“Nuk ishte e lehtë apo e thjeshtë për Millosheviçin. Ai i bëri të gjitha llojet e gabimeve, por nuk është fajtor për vrasjen e vendit, janë ata që e bënë këtë. Por ai është fajtor që nuk ishte në gjendje të llogariste dhe të shihte mirë, kështu që ne paguajmë çmimin. Pastaj erdhi një grup i papërgjegjshëm. Millosheviçi të paktën kishte emocione dhe luftoi për Kosovën”,tha Vuçiç.
Ai e përmendi edhe vendimin e Gjykatës së Apelit në Kosovë e cila e ka konfirmuar aktgjykimin e Gjykatës Themelore të Prishtinës, sipas të cilit deputeti i Kuvendit të Kosovës nga Lista Serbe, Ivan Todosijeviç, është dënuar me dy vjet burgim nën akuzat për nxitje të urrejtjes, përçarjes ose mosdurimit kombëtar, racor, fetar apo etnik, pasi e quajti trillim masakrën e Reçakut.
