Pneumologu Arjan Mezini tregon se, 10 deri 15% e personave që kanë kaluar Covid-19 po vuajnë nga probleme të tjera shëndetësore. Gjatë një interviste televizive ai tha se, këta persona duhet deri 6 muaj kohë dhe trajtim për rikthimin në normalitet.
“Një pjesë e tyre brenda këtij 15% zhvillojnë shenja të ndryshme. Janë shumë variabël nga lodhja e vazhdueshme, humbja e shijes, nuhatjes, ankthi, depresioni e deri te problemet në mushkëri dhe vështirësitë në frymëmarrje sidomos për ata që e kanë kaluar më rëndë. Nëse personi ka patur probleme kronike kërkon një kohë më të gjatë që shkon deri 6 muaj, ndërsa personat e tjerë për 1 deri 3 muaj kthehen në normalitet. Mushkëria është një organ që e rigjeneron shumë mirë veten”.
Sipas mjekut, personat që vazhdojnë të vuajnë pasojat e virusit trajtohen në Sanatoriumi, në të cilin ndodhet një pavion të veçantë për trajtimin e Covdit të zgjatur. “Personat që e kane kaluar Covidin, s’ka rëndësi lehtë apo rëndë, 6 muaj pas sëmundjes duhet të marrin të paktën një dozë. Për personat e pavaksinuar nuk ka asnjë diskutim që PO, nëse ne duam të dalim sa më shpejt nga kjo situatë”, tha ai.
Mjeku tregoi se, disa simptoma të covidit nuk mund të kurohen, por ta reduktohen me kalimin e kohës.
E.H/ gijotina.com/
