Ish-kryeministri Sali Berisha ka reaguar pas deklaratës së kryeministrit Edi Rama ditën e sotme ku fliste për krizë energjitike dhe paralajmëronte rritjen e çmimit të energjisë për shqiptarët
Me anë të një postimi në Facebook, Berisha shkruan se shkaku themelor i rritjes vjen nga vjedhja që bën Rama me oligarkët në qeveri, ndërsa nuk ka nguruar dhe ta paralajmërojë kryeministrin që të mos ndërmarrë më asnjë hap për rritjen e çmimeve. “Shkaku themelor i rritjes stratosferike te çmimeve qëndron: 1Vjedhjen, vjedhjen dhe para se gjithash vjedhjen e narkoqeveritareve. 2-Klientela dhe monopoli saj në çdo fushë. ps: Një javë me parë deklaronte eksport energjie, sot flet për krize energjitike dhe rritje çmimi!
Paralajmërim mos luaj me çmimet! Guxo po ta mbajti”, shkruan ai.
Sali Berisha ka vendosur të rikthehet në politikë, ku po përpiqet të shpreh hapur dhe të vër në praktike qëndrimet e tij kundër qeverisë, por edhe kundër drejtuesit të PD, Lulzim Basha, që sipas Berishës ai po i nënshtrohet Ramës.
