Një shqiptar 34 vjeç është vënë në pranga në Modena të Italisë, pasi akuzohet se është pjesë e grupit që priste 294 kilogramë kokainë në Francë, në portin Montuar de Bretagne, ngarkesë e cila vinte me një konteiner nga Brazili.
Mediat italiane shkruajnë se bashkë me shqiptarin janë vënë në pranga edhe dy persona të tjerë, një shtetas somaliez, 35 vjeç dhe një tunizian, 29 vjeç, të cilët akuzohen se janë bashkëpunëtorë me shqiptarin por që janë përfshirë dhe në ngjarje të tjera kriminale.
Konkretisht someliezi ka hedhur gurë ndaj një komisariati policie, ndërsa tuniziani është kapur pa dokumente të rregullta. Për shqiptarin ishte lëshuar një urdhër-arrest europian nga autoritetet franceze. Tashmë shqiptari, të cilit ende nuk i është zbardhur identiteti ndodhet në burgun Sant’Anna.
