Pas tetë javësh nga fillimi i kampionatit është shkarkuar trajneri i parë në La Liga. Tekniku që drejtonte Levanten, Paco Lopez nuk do të jetë më në krye të skuadrës spanjolle.
Ky lajm është bërë publik nga vetë klubi përmes një postimi në faqen zyrtare, në orët e vona të së dielës.
Shkak i këtij vendimi duket se është bërë humbja e tretë radhazi, e cila ishte ajo ndaj Mallorcas. Levante e nisi shumë keq kampionatin, ndërsa deri tani ka marrë vetëm katër pikë falë katër barazimeve.
Lopez ishte në krye të skuadrës ku luan edhe lojtari me origjinë shqiptare, Shkodran Mustafi që prej marsit të vitit 2018 dhe tashmë duhet të mendojë për një tjetër skuadrës ashtu si Levante duhet të gjej një zëvendësues për drejtimin e stolit./K.T/Gijotina.com
