Kombëtarja e Kosovës do të përballet për kualifikuesen e radhës të Botërorit ‘Qatar 2022’ me Suedinë.
Në prag të ndeshjes që do të zhvillohet më 9 tetor, trajneri i Dardanëve, Challandes është shprehur se shpreson që ekipi i tij të luajë njësoj si në takimin me Spanjës, pavarësisht rezultatit teknika sipas tij ishte shumë e mirë.
“Ndeshja me Spanjën ishte më e mira që nga koha kur unë kam marrë drejtimin. Mund të mos pajtoheni por ishte ndeshja më e mirë e jona sepse kemi luajtur kundër njërit prej ekipeve më të mira në botë.”- u shpreh ai.
Rikujtojmë se 70-vjeçari e ka drejtuar Kosovën në 24 ndeshje, nga të cilat janë fituar 8, humbur 9 dhe marrë 7 barazime.
“Teknikisht ishte shumë e mirë dhe kemi luajtur me pasion dhe zemër. Kemi pasur më shumë raste shënimi se sa Spanja. Cili ekip ka pasur më shumë raste se Spanja në 10 ndeshjet e fundit, asnjë ekip. I kam parë ndeshjet. Ne kemi pasur më shumë raste shënimi dhe jemi mbrojtur me 11 lojtarë dhe u zhgënjeva për lojtarët. Ne kemi bërë punë të mirë me Spanjën dhe duhet ta vazhdojmë këtë”,-vijoi ai.
Përfaqësuesja e Kosovës do të grumbullohet sot për të nisur përgatitjet për dy ndeshjet kundër Suedisë në transfertë më 9 tetor dhe kundër Gjeorgjisë në Prishtinë më 12 tetor.
Kosova nuk ka më asnjë mundësi për të vazhduar rrugëtimin e Botërorit ‘Qatar 2022’, pasi ka vetëm katër pikë në vendin e tretë në Grupin B, nëntë më pak se kryesuesja Spanja dhe pesë më pak se vendi i dytë, Suedia./K.T/Gijotina.com
