Kontrollet rutinë në kryeqytet kanë çuar në arrestimin e 7 personave. Policia ka arrestuar të riun me iniciale E. Gj, 20 vjeç, pasi ka ushtruar dhunë fizike dhe psikologjike ndaj motrës së tij; J. M, 24 vjeç, pasi ka përndjekur në mënyrë të vazhdueshme ish të dashurën e tij.
Në pranga ka rënë edhe një person i identifikuar me iniciale I. M, 29 vjeç, pasi ka tentuar të vjedhë në banesën e B. K.
Policia jep detaje, se gjatë ditës së sotme janë arrestuar edhe personat N. G, 34 vjeç, A. D, 52 vjeç dhe A. T, 28 vjeç, pasi u kapën në flagrancë duke drejtuar mjetet përkatëse në gjendje të dehur; A. N, 37 vjeç, pasi nuk i është bindur urdhërit të punonjësit të policisë për të kryer testin e alkoolit.
