Kanë kaluar vetëm pak ditë nga vrasja e bujshme e nënkomisarit Saimir Hoxha i cili u vra nga 21- vjeçarI Aldi Rama ku më pas ky i fundit vrau veten. Sot babai i këtij të fundit, Rufani ka hedhur akuza të forta ndaj ambulancës në Lezhë, e cila ka bërë.
“Ambulanca ka vonuar, duhej të vinte për 10 minuta dhe ka bërë 1 orë”. Kështu u shpreh sot babai i Aldi Ramës, Rufan Rama.
Teksa u shpreh se kishte 3 vite pa e parë djalin e tij, Rufani tha se hoxha në varrim i kishte thënë që nuk ishte mirë ta shikonte.
“Kisha 3 vite pa e parë djalin, nuk donin të më linin ta shihja. Hoxha më tha nuk është mirë ta shohësh. Djali im ishte i dhunuar, zvarrë e kanë tërhequr? Ambulanca ka ecur me 10km/h, ka vonuar për t’i dhënë ndihmën e duhur”, tha Rufani.
I riu jetonte me gjyshërit e tij, ndërsa me herët këta të fundit kanë deklaruar se nuk dinin gjë për ngjarjen e rëndë dhe se ishin njoftuar vetëm nga mediet.
