Qytetarët në Tiranë, por jo vetëm, kanë ngritur zërin kundër shtrenjtimit të çmimit të energjisë. Në një prononcim për mediat në vend ata shprehen se, e kanë të pamundur të përballojnë shpenzimet edhe për nevojat bazë, ndërsa tani që janë rritur çmimet situata është bërë edhe më e vështirë.
Ndërsa një i moshuar tha se me nivelin kaq të ulët të pensioneve nuk ka së carë të blejë më parë, ushqimet, ilaçet apo të paguaj faturat që rriten çdo vit. “Si mund të përballohet rritja, me këto pensione që kemi çfarë mundet të konsumosh më parë. Nëse shtrenjtohet do të shkojmë nëpër spitale se në vend tjetër nuk kemi ku shkojmë , sepse s’kemi mundësi ta përballojmë”, u shpreh një qytetar.
Ndërkohë, një tjetër qytetarë tha se një pjesë e madhe e bashkëfshatarëve të tij nuk përballojnë dot faturat as me çmimet aktuale dhe jo më të rriten më shumë. Sipas tij, në dimër situata bëhet edhe më e vështirë sepse nuk do kenë me çfarë të ngrohen, ndërsa tregon se dhe çmimi i drurit është rritur.
“Mendoj se mundësitë janë që shtresat në nevojë të ndihmohen nga shteti. Nëse unë do e përballoj unë faturën, ka me dhjetëra, me qindra e mijëra që nuk mund ta përballojnë. Absolutisht nuk përballohet. Në dimër ngrohem me dru, atje ku jam unë në fshat drutë kanë shkuar 50 mijë lekë metër kub, vjet ishin 25 mijë lekë”, tha një tjetër qytetar.
Madje, ata shprehen se nuk besojnë deklaratën e kryeministrit që vendi është në krizë energjitike, por dyshojnë që ai kërkon ta shesë energjinë për përfitime të veta.
E.H/ gijotina.com/
